kalayaan o kaginhawahan?

LP-Kalayaan

Sa loob ng Auckland Museum ay makikita ang mga pangalan ng mga kiwing nagbuwis ng kanilang buhay para sa bayan. Kahit saan man ang kalayaan ng bayan ay laging nakabigkis sa digmaan - may alam ka bang bansa kung saan ang "araw ng kalayaan" ay di patukoy sa isang madugong nakalipas ng kanilang kasaysayan?

Magandang isiping ang kasunod ng kalayaan ay kaginhawahan - asa balita ngayon na ang siyudad ng auckland ay pang-lima sa "the best cities in the world". Hinanap ko ang maynila o kahit na anong siyudad sa pilipinas sa bandang taas ng listahan - sa aking pagka-dismaya halos nasa dulo na ang siyudad ng kamaynilaan.

kalayaan o kaginhawahan ano ba ang mas mahalaga?

...Bayan pa kayang sakdal dilag
Ang di magnasang makaalpas!
Pilipinas kong minumutya
Pugad ng luha ko't dalita
Aking adhika,
Makita kang sakdal laya maunlad ang madla.

kiwi wiki

LP-Pagiisang dibdib

Simbolo ng NZ ang kiwi, ito ay mga ibong di nakalilipad at kadalasang sa gabi lamang lumalabas. Sila ay lumalaki ng kasinlaki ng isang manok at nakakabigat ng hanggang tatlong kilo. Matalas ang kanilang pang-amoy - isang katangiang di pangkaraniwan sa mga ibon.

Once ma-in-love at magsama, ang babae at lalaking kiwi ay nananatiling tapat sa isa't-isa for the rest of their lives -na maaring tumagal ng dalawampung taon. [ kiwi wiki ]